Meer oor die Susanna Smit Studiefonds

Die FroueVonds* vernoem hul rentevrye studiefonds na Susanna Catharina (Maritz) Smit, ook bekend as die geliefde Susanna. “Ons trek liewer kaalvoet oor die Drakensberge…”, was destyds haar woorde. Sy is die voorloper vir soveel vroue in Suid-Afrika wat stukkie vir stukkie oor hul eie denkbeeldige Drakensberge moet trek.

Deur die Susanna Smit Studiefonds, wil die FroueVonds* ’n pad oor die berg moontlik maak vir meisies en vroue wat nie ’n tersiêre kwalifikasie kan bekostig nie. Ons glo in die vermoëns van die moderne vrou en weet dat daar dieselfde dryf en uithouvermoë in elkeen is, ongeag hulle konteks of omstandighede.

 

Studente wat met behulp van vennote ondersteun word: 2019/2020

Imbalie Beauty

 

Kortkursusse in skoonheidsterapie

7 studente

Serwalo-haarakademie

 

Haarkappery

2 studente

Susca Watts-akademie

 

Besigheidsadministrasie

1 studente

Guvon-akademie

 

Sjef opleiding

3 studente

E-kaarte_SusannaSS

Getuienisse

Die beurs gee vir my ’n geleentheid. Ek het ’n droom om êrens in die lewe te kom. Daar is geen ander manier hoe ek sou kon studeer nie.

Claudia Behr – student by Susca Watts-akademie

Die opleiding by Imbalie Beauty het die deure vir my oopgemaak om my eie salon te begin.

Sonet Claassens – student by Imbalie Beauty Opleidingsakademie