WEBONTWIKKELAAR en INSTANDHOUDING

Solidariteit Helpende Hand (SHH) het tans 'n voltydse pos beskikbaar vir 'n webontwikkelaar wat ook instandhouding kan doen. Die persoon in hierdie rol sal verantwoordelik wees vir die ontwerp, ontwikkeling, toetsing en instandhouding van webtoepassings, met 'n spesifieke fokus op PHP-raamwerk en Laravel. Die pos is gebaseer by SHH se hoofkantoor in Irene.

Minimum vereistes sluit die volgende in:

• Diploma of graad in Rekenaarwetenskap/Inligtingstegnologie of soortgelyke veld
• Kennis van databasisbestuur (MySQL/PostgreSQL)
• Begrip van bediener- en gasheerstrukture (hosting), insluitend Linux, Apache en nginx, om lêers te kan bestuur en wysig
• 3 tot 5 jaar ervaring in webontwikkeling met PHP
• Goeie kennis van CSS, HTML en JavaScript.
• Praktiese ervaring in Laravel-toepassings (volledige ontwikkelingsiklus)
• Ervaring van Git-weergawebeheer en Agile Scrum-prosesse

Die pos behels onder meer dat die kandidaat verantwoordelik sal wees vir die volgende:

• Ontwikkel, toets en implementeer nuwe funksionaliteite in PHP Laravel
• Onderhou en optimaliseer bestaande stelsels en kodebasisse
• Gebruik GitHub vir weergawebeheer, samewerking en kodehersiening om konsekwentheid en gehalte in die kodebasisse te verseker
• Ontwikkel en onderhou WordPress-webwerwe
• Ontwerp, implementeer en optimaliseer MySQL- en PostgreSQL-databasisstrukture
• Ontwikkel en integreer RESTful API's en ander stelselkoppelinge
• Verseker dat databasisrugsteun, sekuriteit en prestasie gehandhaaf word
• Monitor en verbeter die prestasie en laaitye van toepassings
• Identifiseer en herstel foute, sekuriteitsrisiko's en kwesbaarhede
• Pas beste praktyke in sekuriteit en data-integriteit toe, byvoorbeeld POPIA-nakoming
• Enige ad hoc-take en bystand soos vereis deur lynhoofde