Solidariteit Helpende Hand is op soek na 'n maatskaplike werker vir Ons Sentrum (kinderterapiesentrum) in Pretoria-Noord. Die geskikte kandidaat moet in Pretoria woon.
Minimumvereistes:
- 'n Graad of diploma in maatskaplike werk
- Registrasie by die Raad vir Maatskaplike Diensberoepe
- 'n Geldige rybewys en betroubare voertuig
- Kennis van en vaardigheid in sosio-emosionele assesserings, interaksionele analise, spelterapie en ouerleiding
- Die vermoë om in spanverband te werk
Die volgende vaardighede en eienskappe sal tot jou voordeel strek:
- Uitstekende taal- en kommunikasievaardighede, veral in Afrikaans
- Reeds opgelei in gestruktureerde traumaterapie, bindingsterapie, lewenstorieterapie en kennis van volledige forensiese ondersoeke (deur FACT opgelei)
- Goeie interpersoonlike en netwerkvaardighede
- 'n Liefde en aanvoeling vir maatskaplike en terapeutiese kwessies
- Die vermoë om onafhanklik te kan werk
- Kennis van en vaardigheid in sosio-emosionele assesserings, interaksionele analise, fasilitering van onthullings van fisiese en seksuele misbruik, spelterapie en ouerleiding
- Kennis van en vaardigheid in statutêre prosedures
Die pos behels onder meer die volgende:
- Skakel met ander maatskaplike organisasies en netwerkvennote, onder meer die Regshulpraad en Kinderhof
- Voer assesserings en terapeutiese benaderings soos bo genoem uit en volg dit op
- Hou rekord van sessies en vergaderings
- Ondersteun en bied bystand aan interns
- Bystand met die hantering van nuwe navrae
Neem leiding met maandelikse professionele paneelvergaderings en vakansieprogramme
Indien jy in dié geleentheid belangstel klik hier om voor of op Donderdag, 9 Mei 2024, aanlyn aansoek te doen.