Die Breinaald-projek word landswyd deur Helpende Hand se streke en takke aangepak. Elke streek identifiseer 'n spesifieke behoefte, soos mussies vir kleuters, truie vir kinders, of beertjies vir traumapasiëntjies, en koördineer 'n projek rondom daardie nood.

So werk dit

• Wol-insameling: Skenkers gee wol of maak 'n bydrae waarmee wol aangekoop word.
• Breiers aan die werk: Die wol word versprei aan vrywilligers, meestal ouer persone, wat dit in liefde verwerk tot nuttige, handgemaakte items.
• Verspreiding na waar dit nodig is: Helpende Hand sorg dat die items uitkom by mense wat dit werklik nodig het, hetsy dit kleuterskole, hospitale, traumakamers by polisiestasies of tehuise of trauma-eenhede is.

Wat ons maak

• Mussies, serpe, truie en komberse vir kinders en bejaardes
• Wolprosteses vir vroue met borskanker (Boesemvriendinne)
• Vroetelmoue vir Alzheimer- en demensiepasiënte
• Gebreide beertjies vir traumaslagoffers

Hoe jy kan help

Jy hoef nie 'n meesterbreier te wees nie; elke hand wat help, maak 'n verskil.

• Brei of hekel saam: Sluit aan by 'n projek in jou streek en brei vir 'n spesifieke behoefte.
• Skenk wol: Het jy wol wat nie meer gebruik word nie? Ons sal dit aan die regte persoon oorhandig.
• Maak 'n skenking: Jou bydrae help ons om wol aan te koop en projekte aan die gang te hou.