Lê jou huis vol Spiderman, Frozen en Barbie beddegoed wat jou kinders nie meer wil hê nie? Is jy besig om te verhuis en raadop oor hoe al jou meubels in 'n kleiner huis gaan pas? Moedeloos oor al die ou huisware wat al jare lank rondstaan. daardie items wat jy ‘volgende jaar’ gaan nodig kry? 'n Mens hou soms nie boek van al die items wat jy oor die jare heen opgaar nie. Die goeie nuus is, ons wil graag jou items oorneem!
Met jou ongewensde items kan ons letterlik wonderwerke verrig! Die Ons Winkel skenkingswinkel dien as werkskepping vir die persoon wat die winkel bestuur. Uit die wins van die verkope stel ons studiefondse beskikbaar vir kinders in die gemeenskap om te gaan studeer wat nie andersins ‘n geleentheid sou gehad het nie. En verder bied ons ook maatskaplike hulp aan met die wins wat die winkel maak.
Jou item is nie net 'n item vir ons nie! Dit is 'n toekoms.
Vind hier JOU naaste winkel!