TEKKIES EN TOKS

Banner

TEKKIES EN TOKS

Banner

Tuis

WAT IS #TEKKIES & TOKS

Solidariteit Helpende Hand besef die belangrikheid van sport vir kinders op soveel vlakke van ontwikkeling. Sport bied kinders die geleentheid om fisies gesond te wees, maar bied ook die geleentheid vir emosionele en verstandelike ontwikkeling.

Sport leer jou oor teleurstelling en hoe om dit te verwerk. Dit is ’n belangrike lewensles wat handig te pas kom in die lewe en ook in die werkplek. Sport leer ’n mens ook hoe om saam met ’n groep mense te werk om ’n probleem op te los. Die kritieke vaardighede wat die vierde Nywerheidsrevolusie van ons verg, naamlik probleemoplossing, kritiese denke, kreatiwiteit, emosionele intelligensie en aanpasbaarheid kan op ’n jong ouderdom reeds aangeleer word. Dit versterk jou kanse om aan te pas in ’n wêreld wat konstant besig is om te verander.

Tekkies & Toks is ‘n inisiatief wat gedryf word deur Helpende Hand en die Vlokskop Stigting. Die Skoleondersteuningsentrum ondersteun ook die projek. Die doel van die projek is om tekkies en/of toks aan hoërskoolleerders te skenk wie se ouers dit nie finansieel kan bekostig nie. Finansies moet nooit die rede wees dat kinders nie aan sport deelneem nie.

Kom ons vat hande en sorg dat ons jeug geveter en gesool is vir die lewe.

Skenk

SKENKINGS AAN #TEKKIESENTOKS

Die #tekkiesentoks-inisiatief gaan oor meer as net skoene. Helpende Hand en die Vlokskop stigting besef al te goed hoe belangrik sport vir die ontwikkeling van kinders op beide fisiese asook emosionele vlak is. Daarom poog ons om by te dra tot die holistiese welstand van ons kinders.

Finansies moet nooit die rede wees hoekom kinders nie aan sport deelneem nie. Maak ‘n bydrae tot ‘n blink toekoms deur ‘n finansiële skenking te maak of deur splinternuwe/tweedehandse tekkies en toks te skenk by jou naaste Ons Winkel.

Untitled-1-01
Naam en Van*
Ek gee toestemming*
This field is for validation purposes and should be left unchanged.

Nuus

TEKKIES EN TOKS NUUS

Vlok Cilliers en Morné Steyn maak ʼn verskil in ons jeug se toekoms

By Solidariteit Helpende Hand | 22 Junie, 2021

23 April 2021 SOLIDARITEIT HELPENDE HAND MEDIAVERKLARING Vlok Cilliers en Morné Steyn maak  ʼn verskil in ons jeug se toekoms Die bekroonde skopafrigter, Vlok Cilliers, is terug op eie bodem en saam met Morné Steyn snoer hulle kragte met Solidariteit Helpende Hand saam om skop-skop ʼn verskil in die lewens van ons land se jeug…

Tekkies en Toks – dit is meer as net skoene

By Solidariteit Helpende Hand | 22 Junie, 2021

Tekkies en Toks – dit is meer as net skoene Deur Vlok Cilliers “Children are the only future the human race has. Children only ask for love, time and attention.” Kinders lê my na aan die hart en hulle vra nie baie nie. As ons dit nie ons verantwoordelikheid maak om na hulle te kyk…

Morné Steyn en Vlok Cilliers skop armoedeprojek af

By Solidariteit Helpende Hand | 22 Junie, 2021

Die bekroonde skopafrigter Vlok Cilliers en Morné Steyn snoer kragte saam met Solidariteit Helpende Hand om skop-skop ’n verskil in die land te maak.Cilliers, deur sy skopakademie Vlokskop, en Steyn, Springbok en Blou Bul-speler, het pas saam met Helpende Hand hul Tekkies & Toks-projek van stapel gestuur. Tekkies & Toks gaan met die publiek se…

Vlok Cilliers gesels oor ons #tekkiesentoks inisiatief uit Frankryk uit!

Vlok Cilliers gesels oor ons #tekkiesentoks inisiatief uit Frankryk uit! Dankie aan elkeen wat ons al ondersteun het en so ook help dat ons jeug 'n geleentheid het om hul volle potensiaal op die sportveld te wys! Vir meer inligting besoek www.tekkiesentoks.co.za