Ere-Ondersteuners

Dankbaarheid gaan altyd oor in dade, en een van Helpende Hand se dankie-sê-dade is om 'n netwerk vir ere-ondersteuners te skep.

By Helpende Hand glo ons bejaarde persone en persone met gestremdhede het hul eie sterkpunte en gawes wat hulle met Helpende Hand en hulle gemeenskappe kan deel.

Hulle het hul eie godgegewe talente wat saam met Helpende Hand se fokus op maatskaplik gebaseerde gemeenskapsontwikkeling werklik 'n volhoubare verskil kan maak. Hulle kan ook 'n pilaar van hoop in hul gemeenskappe wees en hierdie hoop saai waar hulle geplant is.

Daarom het Helpende Hand ons Ere-ondersteunersnetwerk bekendgestel. Dié netwerk bestaan uit ondersteuners wat 80 jaar of ouer is en ondersteuners met gestremdhede wat saam droom en in die toekoms glo.

Helpende Hand is trots op ons ere-ondersteuners en nooi jou vandag om jou vriende en familie met gestremdhede en dié wat 80 of ouer is te help om gratis by Helpende Hand aan te sluit as Ere-ondersteuners. Maak hulle deel van 'n familie wat omgee en saamstaan. Gee vir hulle 'n plekkie om te behoort.

Alle Ere-ondersteuners kan gratis by Helpende Hand aansluit en hoef nie 'n maandelikse donasie te gee nie.

Met hierdie veldtog wil ons jou deel maak van die oplossing. Ons wil met jou hande vat en 'n sterker Suid-Afrika bou. Sy aan sy wil ons geestelike, sosio-emosionele, fisiese en kulturele armoede beveg.

Spesialebehoefte-ouerfonds (SBO)

Solidariteit Helpende Hand se Ere-ondersteunersnetwerk het 'n fonds geskep om ouers van kinders met spesiale behoeftes by te staan en te bemagtig.

Ouers van kinders met spesiale behoeftes moet baie trauma en veranderings in die gesinsopset hanteer. Boonop moet hulle konstant veg om vir hul kinders 'n plekkie in die samelewing te vind. Hulle staar finansiële krisisse in die oë as gevolg van skool-, mediese en terapeutiese uitgawes. Hul kinders se spesiale behoeftes bring dikwels baie ekstra finansiële uitgawes mee, soos rolstoele en huisombouings. Dit bring baie stres en spanning vir die ouers mee. Vir Solidariteit Helpende Hand is die holistiese welstand van gesinne belangrik, en daarom wil ons ouers van kinders met spesiale behoeftes bemagtig met onder andere lewensafrigting om 'n gesonde gesinsopset te verseker.

Maak vandag nog 'n bydrae tot dié fonds om 'n lewensveranderende verskil in hierdie gesinne se lewens te maak.

Donasie aan Ouerfonds (SBO)

"*" indicates required fields

Naam en van*
Wil jy die donasie maandeliks maak?