Die HelpHoor-projek is 'n deurlopende projek om behoeftige ouer persone van gehoorapparate te voorsien. Tweedehandse gehoorapparate word ingesamel, gediens, skoongemaak en weer gebruik.

 

Ons vennote wat die projek moontlik maak, is:

• die landwye Oorinstituut 📣
• Suné Ferreira se Instituut vir gehoor in Pretoria; en
• Deon Ceronio se gehoorsentrum in Bloemfontein.

Daar is 'n landswye aanvraag vir gehoorapparate en daarom beplan ons om hierdie projek in die toekoms in die ankergemeenskappe te dupliseer. Oudioloë se betrokkenheid in die gemeenskappe is krities vir die sukses van hierdie projek.

 

Jy kan ’n verskil maak:

• Skenk tweedehandse gehoorapparate, of
• steek jou hand op om as oudioloog betrokke te raak.

 

Waar klop ek aan?

Vir meer inligting of om in aanmerking te kom vir gehoorapparate, stuur gerus 'n e-pos na [email protected].