Meer oor ons
Die FroueVonds fokus op gemeenskapsontwikkeling, maar lê sterker klem op die bemagtiging van vroue om voorspoed vir hulle te verseker.
Solidariteit Helpende Hand se bestaansrede is om volhoubare voorspoed vir spesifiek lede van die Solidariteit Beweging, maar ook vir die Afrikaner in die algemeen, te verseker. Die metode wat aangewend word om dié doel te bereik, is maatskaplik gebaseerde gemeenskapsontwikkeling. Dit is teen hierdie agtergrond wat die FroueVonds in die lewe geroep is: om om te sien na vroue se welstand deur te verseker dat hulle opgehef word en ook in hul werkplekke ontwikkel.
Binne die fokusareas van die verskillende instellings van die Solidariteit Beweging raak die FroueVonds deel van elke instelling. Almal deel die verantwoordelikheid om vroue te bemagtig en ontwikkel, sodat hulle op hul beurt weer ander in hul gemeenskappe kan bemagtig om hul egokragte en wilsbeweging tot aksie te laat oorgaan. Met "wilsbeweging" verwys ons na mense se eie wil om beweging en verandering in hulself teweeg te bring, sodat hulle hul volle potensiaal as individue kan bereik.
Om mense te ontwikkel en bemagtig sodat hulle hul potensiaal kan verwesenlik, moet ons fokus op vroue se holistiese welstand en die impak wat hulle op hul gemeenskappe maak of die potensiële impak wat hulle op hul omgewings kan maak. Ten einde om te sien na vroue se holistiese welstand, fokus ons op die vier welstandsbene: fisiese, sosio-emosionele, kulturele en geestelike welstand.
Die strategie wat ons gebruik om die FroueVonds as inisiatief van stapel te stuur, is om ʼn bietjie kapasiteit, talente, hulpbronne en vaardighede van elkeen van die ander instellings te ontgin, sodat ons die korporatiewe verantwoordelikheid, fokus en inisiatief kan deel. Daarom neem ons elke Bewegingsinstelling se taal, handelsmerk, roeping, ewigheidswaarde en fokus in ag en maak dit deel van die FroueVonds.
Instellings van die Solidariteit Beweging wat deel vorm van die FroueVonds:
FroueVonds Lied deur Elme Churr, Carma en Cheralee
Blom In Sy Wese
Blommetjie gedenk aan my
Gedenk aan jou want ek is vry
Van begin tot die einde
Sal Ek by jou kan bly
Blommetjie is wat jy sien
So sag en fyn maar ek wil dien
Selfs verander my kleur
Van saad tot blom tot vlees
Vat my kleure, vat my geure
My vreugdevolle strewe, ek glo
Ek bly staan
Op genade alleen
Deur die wind en die weer
Ek sal staan
Hart en mond
Seisoene deur liefde gegrond
Vat my kleure, vat my geure
My vreugdevolle strewe ek glo
Bloeisels blom in die lenteson,
Herfs het gekom, dis tyd my blom
Want jys sterker as gister
Deur Sy takke in hoop gevou
Al waai die wind storms heen
En ek weet tyd is geleen
Bot my bloeisels meer geur
In vlees, met hart en gees
Blom in Sy wese,
Hy gee my nuwe lewe, ek glo
My lewe het ontblom
Hernuwing het gekom
Ek word gevoed deur Hom
Ons smag na Jou reën
Om ons te bly seën
Ek is 'n vrou wat glo
Ek bly staan
Op genade alleen
Deur die wind en die weer
Ek sal staan
Hart en mond
Seisoene deur liefde gegrond
Vat my kleure, vat my geure
My vreugdevolle strewe ek glo
Blom in Sy wese,
Hy gee my nuwe lewe, ek glo