
Liewe leser
Liewe Leser
Baie welkom. Ek is bly jy is hier.
Die feit dat jy hier is, sê vir my dat een van my briewe jou bereik het. Om ʼn brief van ʼn vreemdeling te ontvang, kan vreemd wees, daarom moes iets jou geprikkel het om meer van die brief en die skrywer te weet.
Laat ek jou hand skud en my aan jou voorstel: My naam is Hilde. Ek is ʼn grafiese ontwerper en bemarker met ʼn groot liefde vir Afrikaans en ons Afrikaner-kultuur. In ʼn gebroke wêreld waar die beloofde land ʼn bittersoet gedagte is en versuikerde beloftes ʼn galbitter smaak nalaat, kan ek verstaan waarom ons wantrouig, mismoedig en ongelukkig is.
Net soos jy, probeer ek ook sin maak van die lewe - daarom hou ons by die suiker verby en gebruik ons sout.
Hier skryf ek met begrip totdat my pen opdroog. Miskien help dit om ʼn brief van iemand af te ontvang wat jou uitdagings juis nie ken nie en wat wéét dat dit menslik is om net mens te wees.
Welkom. Hier's my hand, liewe leser, neem dit. Versterk jou greep en sluit aan as jy so voel. Ek sal elke Sondag hier wees. Pengereed, sodat jy my volgende brief kan lees.
Hilde
Helpende Hand
VERSTERK JOU GREEP HIER

Brief 80 In my kinderdae het ek my Desembervakansies op my grootouers se plaas deurgebring. Elke dag was ’n goeie, en nóg beter as ek saam met maats in die omgewing gespeel het. As kind het ek armoede nie goed geken nie, maar die gate in hul klere en die pakkie 10 sent-aartappelskyfies wat hulle…
Sarah Elkins verduidelik in haar boek, Your Stories Don’t Define You. How You Tell Them Will. dat die stories wat jy vertel ‘n groot invloed het op hoe jyself en ander jou waarneem sien, daarom is dit belangrik om selektief te wees oor watter stories jy deel en hoe jy dit deel. Een van die…
Ek het hierdie jaar die voorreg gehad om saam met ’n hele paar buitelanders te kuier wat vir ’n kort rukkie ‘n besoek in hulle geboorteland afgelê het. Dié vriende woon nou in Nederland en Engeland. Ek ken hulle al lank – van hulle lewenslank. Hoe langer jy iemand ken, hoe moeiliker word dit om…
Ek het ‘n rukkie terug ou CD’s in my kas ontdek en deur elke CD se lirieke-boekie geblaai. Dit het my laat terugdink aan die dae toe ons tyd afgestaan het om die lirieke van ‘n nuwe CD woord vir woord te leer terwyl die CD in die CD-speler gedraai het. Dié leerproses was opsig…
C.J. Langenhoven het geskryf: “Aan elke silwerrandjie is daar ‘n wolk.” Dis duidelik dat hy ‘n bietjie anders na die lewe gekyk het as die meeste van ons. Selfs al het hierdie aanhaling ‘n negatiewe ondertoon, laat dit my dink aan die belangrikheid van mentors en waarom dit soms nodig is om iemand as klankbord…
Een van my vriende het my ’n rukkie gelede die volgende gevra: “Hoeveel rooi karre het jy vanoggend op pad werk toe sien verbyry?” Ek het ’n bietjie daaraan gedink en dadelik besef dat ek glad nie kan onthou of ek enigsins ’n rooi kar daardie oggend gesien het nie. My antwoord aan hom was:…
’n Paar weke terug gesels ek met ’n mentor oor eerste indrukke. As iemand wat geneig is om met wantroue te worstel, vind mense my gewoonlik moeilik leesbaar en bly eerste indrukke vir my ’n uitdaging, want eerste indrukke is nie altyd reg nie en kan tot verkeerde gevolgtrekkings oor iemand lei. Die gesprek loop…
In my lewe moes ek al ‘n hele paar mense vergewe. Dis makliker gesê as gedaan, want selfs al voel ons dat mense dit nie verdien nie, weet ons ook dat God dit van ons verwag. Ons moet vergewe, want ons word vergewe. Ek moet bieg: Om mense te vergewe is een ding, maar om…
Ek het in 2017 op ‘n hoop liefdesbriewe afgekom wat my ouma diep in haar kas gebêre het. Na my ouma se afsterwe moes ons deur haar goed gaan. Dit was vir my nog altyd vreemd om deur iemand se goed te gaan, maar in hierdie geval was dit nodig en het ek met ‘n…
Ek is van kleins af geleer om suiwer Afrikaans te praat. In ons huis gebruik ons woorde soos “kattebak”, “afstandbeheerder”, “kleeflint” en “paneelkissie”. Op skool het ek vinnig besef dat baie van my klasmaats nie dieselfde woordeskat gebruik nie. Soms het die kinders vir my woordeskat gelag en het dit my onseker van myself gemaak…