Liewe leser
Liewe Leser
Baie welkom. Ek is bly jy is hier.
Die feit dat jy hier is, sê vir my dat een van my briewe jou bereik het. Om ʼn brief van ʼn vreemdeling te ontvang, kan vreemd wees, daarom moes iets jou geprikkel het om meer van die brief en die skrywer te weet.
Laat ek jou hand skud en my aan jou voorstel: My naam is Hilde. Ek is ʼn grafiese ontwerper en bemarker met ʼn groot liefde vir Afrikaans en ons Afrikaner-kultuur. In ʼn gebroke wêreld waar die beloofde land ʼn bittersoet gedagte is en versuikerde beloftes ʼn galbitter smaak nalaat, kan ek verstaan waarom ons wantrouig, mismoedig en ongelukkig is.
Net soos jy, probeer ek ook sin maak van die lewe - daarom hou ons by die suiker verby en gebruik ons sout.
Hier skryf ek met begrip totdat my pen opdroog. Miskien help dit om ʼn brief van iemand af te ontvang wat jou uitdagings juis nie ken nie en wat wéét dat dit menslik is om net mens te wees.
Welkom. Hier's my hand, liewe leser, neem dit. Versterk jou greep en sluit aan as jy so voel. Ek sal elke Sondag hier wees. Pengereed, sodat jy my volgende brief kan lees.
Hilde
Helpende Hand
VERSTERK JOU GREEP HIER
Brief 47 Ek het ’n vriend gehad saam met wie ek gereeld by sy ouma en oupa gaan kuier het. As gevolg van moeilike omstandighede het sy grootouers hom grootgemaak, dus het hy baie tyd in hulle huis en tuin deurgebring. So streng soos wat sy grootouers was, het hulle hom as hul eie opgepas…
Brief 46 Uit ervaring weet ek dat dit jou absoluut niks help as jy van jou uitdagings af probeer weghardloop nie. Selfs al help dit vir ’n rukkie, bly die uitdaging steeds by jou spook, want jy weet dit sal vir jou wag om opgelos te word. Afgesien hiervan dink ek dis normaal om soms…
Brief 45 Ek het ‘n rukkie terug ons familiebegraafplaas besoek en na ons generasies se grafstene gaan kyk. Van die datums strek terug tot die 1800’s. Heelwat kindergrafte. Báie seer. My ouma het seker gemaak dat ons van kindsbeen af weet waar die plaas is en waar sy bly. As kind was dit soms frustrerend…
Brief 44 Ons is terug en daar is nuwe ink in my pen. Die feit dat jy hier is, sê vir my dat jou storie nog nie klaar is nie en dat daar nog ink in jou lewenspen lê. Tel dit op en skryf. Maak foute en maak reg. Skets jou drome en trek vir…
Brief 43 Vandag het ek die voorreg om vir oulaas ‘n brief te skryf, voordat ek my pen neersit en die laaste stukkie van 2023 waardeer wat vir my gegee is. Tans lê daar 42 briewe opgehoop in jou posbus, skoenboks of laaikas. As briewe vir ‘n mens belangrik is, bêre jy dit soos ‘n…
Brief 42 Liewe Leser As daar een ding is wat my hierdie jaar verbaas het, is dit die onsigbare draad wat mense van reg oor die wêreld met mekaar verbind. Die eerste brief wat in Suid-Afrika gelaat en deur ’n ontvanger gevind is, is in die 1500’s geskryf deur ’n Portugese ontdekkingsreisiger, Pêro de Ataíde.…
Brief 41 In my kleuterdae het ek, soos baie ander kleuters, nooit daarna uitgesien om my ouers by die kleuterskool te groet nie en het elke totsiens my gewoonlik in trane gelos. Die uitdaging het nie noodwendig in die kleuterskool gelê nie, maar eerder in die tydelike afwesigheid van ’n ouer. Voor die kleuterskool se…
Brief 40 In die stil hoekies van ons harte, waar die skaduwees van eensaamheid dikwels groot kan wees, is daar ’n onvervulbare honger na geselskap. Hierdie behoefte aan sielskos lê nie noodwendig net in die verlange om saam met iemand te wees nie, maar eerder om te verstaan en aanvaar te word. Ja, liewe Leser,…
Brief 39 Vandag het ek die voorreg om ’n brief aan jou te skryf met die klank van ’n onbekende trekklavier wat iewers in ons woonbuurt Stille Nag speel terwyl ’n bejaarde man onbeskaamd saam met die deuntjie neurie. Ja, liewe Leser, as ons weer kyk, staan Desembermaand op die drumpel van ons deur. Die…
Brief 38 Aan die begin van die jaar het een van LitNet se artikels my aandag getrek. In grasgroen letters het daar die volgende gestaan: Voortrekker-Afrikaans. Die skrywer werk aan dokumente van die vroeë Nederlandse Boere-immigrante in die Republiek Natalia en in die artikel deel hy inligting oor interessante taalkundige verskynsels met sy lesers. Hy…